"دنیا کی سپر مارکیٹ” کہلانے والے چینی شہر کی غیرملکی تجارت میں ریکارڈ اضافہ

ہانگ ژو (شِنہوا) چین کے مشرقی شہر  یی وو، جسے "دنیا کی سپر مارکیٹ” کہا جاتا ہے، کی غیر ملکی تجارت کی مالیت 2025 میں 836.5 ارب یوآن (119.37 ارب امریکی ڈالر) کی ریکارڈ سطح تک پہنچ گئی ہے۔

یی وو کسٹمز کے مطابق صرف درآمدات میں گزشتہ سال نمایاں اضافہ دیکھا گیا، جو گزشتہ سال کے مقابلے میں 32.3 فیصد بڑھ کر 105.8 ارب یوآن تک پہنچ گئیں اور پہلی بار 100 ارب یوآن کی حد عبور کی۔

صوبہ ژے جیانگ میں واقع یی وو طویل عرصے سے چین کے کھلے پن کی کوششوں میں ایک متحرک مرکز رہا ہے۔ یی وو انٹرنیشنل ٹریڈ مارکیٹ تقریباً 80 ہزار سٹالز کا مسکن ہے جو 21 لاکھ سے زائد اقسام کی مصنوعات پیش کرتی ہے اور اس کے دنیا کے 233 ممالک اور خطوں کے ساتھ تجارتی تعلقات قائم ہیں۔

2025  میں یی وو (سوشی) بین الاقوامی پورٹ اور یی وو گلوبل ڈیجیٹل ٹریڈ سنٹر کے افتتاح نے شہر کے لاجسٹکس اور ڈیجیٹل تجارتی نظام کو مزید وسعت دی ہے، جس سے چھوٹی مصنوعات پہلے سے کہیں زیادہ تیزی سے عالمی منڈیوں تک پہنچ سکیں گی۔