پاکستانی اداکارہ حنا آفریدی اور یوٹیوبر تیمور اکبر رشتہ ازدواج میں منسلک ہوگئے ہیں، نکاح کے موقع پر اداکارہ کی جانب سے دلچسپ شرائط سامنے آ گئیں۔
سوشل میڈیا پر جوڑے کی تصاویر اور ویڈیوز وائرل ہو رہی ہیں، نکاح کی تقریب میں قریبی عزیز و اقارب نے شرکت کی، اس موقع پر حنا آفریدی نے سفید لباس اور بھاری سنہری زیورات زیب تن کئے تھے، وائرل ویڈیو میں دیکھا جا سکتا ہے کہ حنا آفریدی نے نکاح کے دوران شوہر سے ماہانہ 5لاکھ روپے خرچ، ہر 6 ماہ بعد بزنس کلاس سفر اور مہنگی شاپنگ کا مطالبہ کیا جبکہ خود کوئی خرچ نہ کرنے کی بات بھی کی، تیمور اکبر نے شرائط پر رضامندی ظاہر کر دی۔
جیسے ہی ویڈیو سوشل میڈیا پر وائرل ہوئی، صارفین کی جانب سے دلچسپ تبصرے سامنے آنے لگے، ایک صارف کا کہنا تھا یہ شادی ہو رہی ہے یا بزنس ڈیل جبکہ ایک صارف نے لکھا کہ انکو شوہر نہیں بلکہ اے ٹی ایم چاہئے تھا، ایک اور صارف نے کہا کہ بیوی اچھی ہو تو بندہ جان بھی دے دیتا ہے پیسہ کیا چیز ہے، ایک صارف نے لکھا امید ہے کہ یہ سب مذاق ہے۔
