پاکستان سپر لیگ(پی ایس ایل) گورننگ کونسل کی ورکنگ کمیٹی میں آکشن ڈرافٹ اور ری ٹینشن کے معاملات پر بحث کے دوران پلئیرز آکشن متعارف کرانے کا فیصلہ کیا گیا ہے جس کے مطابق پاکستان میں پہلی بار کھلاڑیوں کی نیلامی ہوگی۔
ذرائع کے مطابق ورکنگ کمیٹی کے رات گئے اجلاس میں پی ایس ایل 11کیلئے کھلاڑیوں کی ری ٹینشن کے حوالے سے بھی فیصلہ ہو گیا ہے، کمیٹی کے فیصلوں کی حتمی منظوری چیئرمین پی سی بی محسن نقوی دینگے جبکہ ضرورت پڑنے پر گورننگ کونسل کا اجلاس بھی طلب کیا جا سکے گا۔
ذرائع کا کہنا ہے کہ پی ایس ایل چیمپئین لاہور قلندرز، کوئٹہ گلیڈی ایٹرز، اسلام آباد یونائیٹڈ، کراچی کنگز اور حیدر آباد نے پلئیرز آکشن کے حق میں ووٹ دیا جبکہ پشاور زلمی اور سیالکوٹ نے ڈرا آکشن کے حق میں ووٹ دیا، پانچ پرانی فرنچائزز نے چار ری ٹینشن پر اتفاق کیا ان میں ایک برانڈ ایمبیسڈر ہو گا، چار ری ٹینشن ہر کٹیگری میں ایک ایک ہوگی ایک پلئیر کو نچلی کٹیگری میں لا کر برانڈ ایمبیسڈر بنایا جا سکے گا۔
ذرائع کے مطابق نئی فرنچائزز باقی پلئیرز پول سے اسی طرح کھلاڑیوں کا انتخاب کر لیں گی، دو نئی فرنچائزز نے زیرو ری ٹینشن پر زور دیا باقی پلئیرز پول کا آکشن ہو گا اور فرنچائزز کھلاڑی آکشن میں اٹھائیں گی۔
ذرائع کا کہنا ہے کہ پی ایس ایل کے آکشن اور ری ٹینشن کا فارمولا چیئرمین محسن نقوی کو بھجوایا جائیگا اور اگلے ایک دو روز میں اسکا با قاعدہ اعلان ہو گا۔
 گورننگ کونسل کی ورکنگ کمیٹی میں آکشن ڈرافٹ اور ری ٹینشن کے معاملات پر بحث کے دوران پلئیرز آکشن متعارف کرانے کا فیصلہ کیا گیا ہے جس کے مطابق پاکستان میں پہلی بار کھلاڑیوں کی نیلامی ہوگی۔){kind=link}