اپوزیشن اتحاد تحریک تحفظ آئین پاکستان کے رہنماء اور قومی اسمبلی میں اپوزیشن لیڈر محمود خان اچکزئی نے کہا ہے کہ آئین ایک وعدہ ہے اسے توڑا گیا تو رشتے خراب ہونگے۔
جامشورو میں جلسے سے خطاب کرتے ہوئے انہوں نے کہا کہ بانی پی ٹی آئی کی ملاقاتوں پر پابندی غیرانسانی ہے، حکمرانی میں حصہ اور تمام زبانوں کا احترام چاہئے، خارجہ پالیسی پارلیمنٹ بنائے، خطے کی صورتحال پر گول میز کانفرنس بلائی جائے۔
بعد ازاں حیدرآباد میں میڈیا سے گفتگو میں اپوزیشن لیڈر نے کہا کہ کھوٹے سکوں کو ہٹانے کیلئے تحریک چلانا ضروری ہے، نظام اچھا ہے پر چلانا نہیں چاہتے، بس نیت ہونی چاہئے، ملک کو چلانے کیلئے سب قوموں کو حصہ دیں تو ملک چل جائیگا۔
محمود اچکزئی نے کہا کہ 3 دن کی گول میز کانفرنس میں سب کی ملکر بات سنیں اور ملک کو چلالیں، کسی کو گالی نہیں دینگے، بس سیاست کر رہے ہیں، نواز شریف اور آصف زرداری کیساتھ چند کپ چائے کے علاوہ انکا کوئی ادھار نہیں، دونوں جب آئینگے تو انکو چائے پلادوں گا۔
