پی ٹی اے نے موبائل فون صارفین کی شکایات پر 5 ہزار سے زائد فون نمبر بلاک کردیئے۔ پی ٹی اے حکام نے بتایا ہے کہ ملک بھر میں موبائل فون صارفین کیساتھ دھوکہ دہی کرنے والوں کے خلاف کارروائیاں جاری ہیں۔حکام نے بتایا ہے کہ ایک سال میں دھوکہ دہی اور فراڈمیں ملوث 5ہزار 294موبائل نمبرز ،4ہزار 507آئی ایم ای آئی بلاک کی گئی ہیں جبکہ گزشتہ مالی سال فراڈ میں ملوث 113 افراد کے شناختی کارڈز بھی بلاک کئے گئے۔
حکام کے مطابق پی ٹی اے کو چوری شدہ موبائلز بلاک کرنے کی 27ہزار 351شکایات موصول ہوئیں، جبکہ ایک سال میں موبائل ان بلاک کرنے کی ایک ہزار 818درخواستیں موصول ہوئیں ہیں۔
