سی ٹی ڈی نے پنجاب کے مختلف شہروں میں 118 کارروائیوں کے دوران 16دہشت گرد گرفتار کرلئے۔ ترجمان کے مطابق سی ٹی ڈی نے پنجاب کے مختلف شہروں لاہور، بہاولپور، منڈی بہائو الدین، میانوالی، ٹوبہ ٹیک سنگھ، رحیم یارخان، چنیوٹ اور وہاڑی میں 118 کارروائیوں کے دوران 16 دہشت گرد گرفتار کرلئے۔
ترجمان کے مطابق لاہور سے فتنہ الخوارج کا ایک خطرناک دہشت گرد عمر اسلحہ اور باروی مواد سمیت گرفتار ہوا جس کا تعلق شمالی وزیرستان سے ہے جبکہ دیگر دہشت گردوں سے دھماکہ خیز مواد، ڈیٹونیٹر حفاظتی فیوز تار ، پمفلٹ اور نقدی برآمد ہوئی ہے ۔ترجمان نے بتایا کہ دہشت گرد مختلف مقامات پر کارروائی کرکے عوام میں خوف و ہراس پھیلانا چاہتے تھے۔
ترجمان نے بتایا کہ گزشتہ ماہ صوبے کے مختلف شہروں میں انٹیلی جنس بنیاد پر 140آپریشنز کئے گئے جن میں سرگودھا، بھکر، رحیم یار خان، فیصل آباد، شیخوپورہ، ننکانہ صاحب اور جھنگ شامل ہیں، ان آپریشنز میں 12دہشت گردوں کو گرفتار کیا گیا جن میں ندیم، جابر، آصف، شمس، اعجاز، حسن، شاہد اور فاروق شامل ہیں۔
