پاکستانی نژاد سابق اداکارہ اریج فاطمہ نے اپنے حجاب پر تنقید کرنے والوں کو کرارا جواب د یتے ہوئے کہا ہے کہ یہ میرا ذاتی فیصلہ ہے، براہ کرم غیر ضروری مشورے دینا بند کریں۔
ایک انٹرویو میں انہوںنے کہا کہ حجاب لینے کے بعد لوگ مجھ پر غیر ضروری تنقید اور نصیحتیں کرنے لگے ہیں، بہت سے لوگ کہتے ہیں میں اپنی اسٹوریز پر کچھ نیا پوسٹ کروں، لیکن سچ کہوں تو زندگی میں کچھ نیا نہیں ہو رہا، جیسے ہی میں نے دوبارہ سوشل میڈیا استعمال کرنا شروع کیا اور سر ڈھانپنا شروع کیا، لوگوں کو لگا جیسے انہیں مجھے گائیڈ کرنے کا لائسنس مل گیا ہے۔
انہوں نے کہا کہ جب میں عام لڑکیوں کی طرح حجاب نہیں لیتی تھی تو زندگی آسان تھی، لیکن اب جب میں نے حجاب لینا شروع کیا ہے تو لوگ مجھے پیغام بھیج کر بتاتے ہیں کہ حجاب کے ساتھ کیا کرنا چاہیے اور کیا نہیں ۔
واضح رہے اریج فاطمہ نے تیرے لیے، حسد، یارِ بے وفا، ایک پل، ہدایت اور عشق پرست جیسے مشہور ڈراموں میں کام کیا، شادی کے بعد شوبز سے کنارہ کش ہو کر امریکا میں اپنے شوہر اور دو بیٹوں کے ساتھ خوشگوار زندگی گزار رہی ہیں، وہ سوشل میڈیا پر مداحوں سے رابطے میں رہتی ہیں اور اپنی زندگی کے اہم لمحات شیئر کرتی ہیں۔
