پاکستان اور متحدہ عرب امارات نے معیشت و اقتصادی تعاون کو نئی جہت دینے کے عزم کا اعادہ کیا ہے۔
ذرائع کے مطابق وزیراعظم کے کوآرڈی نیٹر برائے تجارت رانا احسان افضل خان سے یو اے ای کے وزیرتجارت نے ملاقات کی جس میں دونوں رہنمائوں نے معیشت و اقتصادی تعاون کو نئی جہت دینے کے عزم کا اعادہ کیا۔
رانا احسان افضل نے یو اے ای کی کاروباری برادری کو پاکستان میں منعقد ہونیوالے تیسرے فوڈ اینڈ ایگریکلچر ایگزبیشن(فوڈ ایگ)2025ئ میں شرکت کی دعوت دی۔
رانا احسان افضل نے کہا کہ بہتر تجارتی تعلقات سے خلیجی ممالک کے ساتھ پاکستان کا اقتصادی اعتماد مضبوط ہوگا۔
انہوں نے بتایا کہ ایس آئی ایف سی کے موثر اقدامات پاکستان اور خلیجی ممالک میں تجارت و سرمایہ کاری کے نئے مواقع پیدا کر رہے ہیں۔
واضح رہے کہ وزارتِ تجارت کا فلیگ شپ ایونٹ فوڈ ایگ 25تا 27نومبر کو منعقد ہوگا، فوڈ ایگ 2025 جیسے پروگرام پاکستان کی مصنوعات کیلئے عالمی منڈیوں کے دروازے کھولیں گے۔
