ٹرمپ 22 اگست تک جلد از جلد سہ فریقی سربراہی اجلاس منعقد کرنے کے خواہاں

امریکی ریاست الاسکا کے شہر اینکریج میں امریکی صدر ڈونلڈ ٹرمپ اور روسی صدر ولادیمیر پوتن ملاقات کے بعد پریس کانفرنس کرتے ہوئے-(شِنہوا)

واشنگٹن(شِنہوا)امریکی صدر ڈونلڈ ٹرمپ نے روسی صدر ولادیمیر پوتن سے ملاقات کے بعد یورپی رہنماؤں کو بتایا ہے کہ وہ روسی صدر ولادیمیرپوتن اور یوکرینی صدر وولودیمیر زیلنسکی کے ساتھ 22 اگست تک جلد از جلد ایک سہ فریقی سربراہی اجلاس منعقد کرنا چاہتے ہیں۔

امریکی آن لائن میڈیا ادارے آکسیوس نے خبر دی ہے کہ زیلنسکی نے "ایکس” پر ایک پوسٹ میں کہا کہ وہ پیر کو واشنگٹن میں ٹرمپ سے ملاقات کریں گے۔ آکسیوس کے مطابق امریکی صدر ٹرمپ نے یورپی رہنماؤں کو بھی پیر کو وائٹ ہاؤس میں ہونے والی اس ملاقات میں شامل ہونے کی دعوت دی ہے۔

جرمن چانسلر فریڈرش میرس نے کہا ہے کہ زیلنسکی اور ٹرمپ کے درمیان پیر کی ملاقات کے بعد ایک سہ فریقی سربراہی اجلاس کی توقع ہے۔

تاحال روسی جانب سے سہ فریقی اجلاس کے لئے کوئی باضابطہ یقین دہانی نہیں کرائی گئی ہے۔