کراچی: سینئر اداکارہ حنا خواجہ بیات نے انٹرنیٹ کی سست رفتار پر حکومت کو تنقید کا نشانہ بناتے ہوئے کہا ہے کہ معیشت بہتری کے دعویداروں نے انٹرنیٹ کی رفتار بھی سست کردی ہے، صاحب اقتدار ملک کو وہ نقصان پہنچا رہے ہیں جو دشمن نہ پہنچا سکا۔
میڈیا رپورٹ کے مطابق سینئر اداکارہ حنا خواجہ بیات نے سوشل میڈیا پر شیئر ویڈیو میں انٹرنیٹ کی سست رفتار پر حکومت پر برہمی کا اظہار کرتے ہوئے کہا کہ معیشت بہتری کے دعوے کرنیوالوں نے انٹرنیٹ کی رفتار بھی سست کردی ہے، انٹرنیٹ کی سست رفتار اور بندش ملکی معیشت کو نقصان پہنچ رہا ہے۔
انہوں نے کہا کہ حکومت کو کس چیز کا خوف ہے؟، کس خوف سے فائر وال لگا رہی ہے؟ آخر کیا کرنا چاہ رہے ہیں؟ کیا ملک کو ختم کرنا چاہتے ہیں؟۔انہوں نے کہا کہ آپ کے خوف سے عوام کے کاروبار بند ہو رہے ہیں کیا آپ چاہتے ہیں ملک معاشی بحران کا شکار ہو جائے۔
انہوں نے کہا کہ صاحب اقتدار ملک کو وہ نقصان پہنچا رہے ہیں جو دشمن نہیں پہنچا سکا۔ انہوں نے کہا کچھ تو خدا کا خوف کریں، کچھ تو ثبوت دیں کہ آپ بھی پاکستانی ہیں۔
