اسلام آباد: وزیراعظم شہباز شریف نے 5سالہ معاشی پلان کے اہم اہداف کو حتمی شکل دے دی۔ اطلاعات کے مطابق وزیراعظم شہباز شریف نے 5 سالہ معاشی پلان کے اہم اہداف کو حتمی شکل دے دی ہے جس کا اعلان جلد کردیا جائے گا۔
ذرائع کے مطابق جی ڈی پی گروتھ، برآمدات، ایف بی آر اہداف، نجکاری پلان، مالیاتی خسارہ کنٹرول، پرائمری بیلنس سرپلس، پی ایس ڈی پی، سرمایہ کاری، اوورسیز اور زراعت پلان اہداف میں شامل ہیں جبکہ انرجی ریفارمز، اخراجات میں کٹوتی، فارمرز کریڈٹ لینڈنگ، ایف بی آر ڈیجیٹائزیشن بھی پلان کا حصہ ہیں۔
ذرائع کے مطابق پانچ سالہ پلان کے تحت جی ڈی پی گروتھ 6 فیصد اور مہنگائی کو 7 سے 8 فیصد تک محدود کرنے کا پلان ہے جبکہ مالیاتی خسارہ رواں مالی سال جی ڈی پی کا 6 فیصد، آئندہ سال 4.7 فیصد تک محدود کرنے کا منصوبہ بنایا گیا ہے۔
ذرائع کے مطابق مالیاتی خسارہ سال 27-2026 میں 3.6 فیصد اور مالی سال 2028 میں مزید کم کرنے،برآمدات کو پانچ سالوں میں دوگنا کر کے 60 ارب ڈالر سے زائد بڑھانے کا پلان تیار کیا گیا ہے۔ذرائع کے مطابق وزیراعظم نے فارمرز کریڈٹ لینڈنگ بڑھانے کیلئے کمرشل بینکوں کیساتھ مل کر پلان مرتب کرنے کی ہدایت کی ہے۔
