سنگا پور: آئی سی سی چیف ایگزیکٹیو کمیٹی کا انتخاب کر لیا گیا، فرانس کے گورومرتھی پلانی، ہانگ کانگ سے انوراگ بھٹنگر اور کینیڈا سے گردیپ کلائر سی ای سی کا حصہ بننے میں کامیاب ہوئے ہیں، انتخابی عمل میں 40 ایسوسی ایٹ ممبران اور 5 ریجنل نمائندگان نے حصہ لیا۔
سنگاپور میں آئی سی سی سالانہ کانفرنس کے مختلف اجلاسوں میں لاس ایجنلس اولمپکس کے لیے ٹیموں کے کوالیفائی کرنے کا طریقہ کار واضح ہوگا، ٹو ٹیئر ٹیسٹ کرکٹ کے ساتھ ٹی ٹوئنٹی ورلڈ کپ میں ٹیموں کی تعداد بڑھانے پر بھی تبادلہ خیال ہوگا۔
پاکستان کی نمائندگی پی سی بی کے چیف آپریٹنگ آفیسر سمیر احمد کر رہے ہیں۔ 19 اور 20 جولائی کو شیڈول بورڈ سربراہان میٹنگ میں پی سی بی چیئرمین محسن نقوی کی شرکت بھی متوقع ہے۔
اجلاس میں ون ڈے سپر لیگ کی بحالی پر بھی گفتگو متوقع ہے۔
