سابق کرکٹر رانا نوید الحسن نے کہا ہے کہ آسٹریلوی کرکٹر صاف گو، کھلاڑیوں کو بڑے ناموں کا خوف نہیں ہوتا، بابر اعظم اور محمد رضوان کو ماڈرن ٹی ٹوئنٹی کرکٹ میں اپنی اہلیت کے بارے میں دوبارہ سوچنے کی ضرورت ہے۔
سوشل میڈیا سائٹ پر جاری بیان میں رانا نوید الحسن نے بابر اعظم کو اسٹیو اسمتھ کے سٹرائیک نہ دینے پر کہا کہ بگ بیش لیگ نے مجھے سکھایا کہ آسٹریلوی بڑے صاف گو کرکٹرز ہوتے ہیں۔
انہوں نے کہا کہ بی بی ایل کا ایک لمبے عرصے تک حصہ رہنے پر میں نے دیکھا کہ بڑی لیگز کیسے کام کرتی ہیں۔
انہوں نے کہا کہ پاکستان میں ٹیم کلچر کی طرح وہاں کھلاڑیوں کو بڑے ناموں کا کوئی خوف نہیں ہوتا، آسٹریلوی صرف صلاحیتوں پر یقین رکھتے ہیں۔
انہوں نے کہا کہ انٹرنیشنل کرکٹرز کے ساتھ کھیلتے آپ کو امپیکٹ کے لحاظ سے جانچا جاتا ہے، اسٹیو اسمتھ نے جو عمل کیا وہ یہ ثابت کرتا ہے وہ آپ کو کہاں دیکھتے ہیں۔
انہوں نے کہا کہ بابر اعظم اور محمد رضوان کو ماڈرن ٹی ٹوئنٹی کرکٹ میں اپنی اہلیت کے بارے میں دوبارہ سوچنے کی ضرورت ہے۔
