ڈی جی آئی ایس پی آر لیفٹیننٹ جنرل احمد شریف چودھری نے اسلامیہ یونیورسٹی بہاولپور میں مختلف مدارس اور تعلیمی اداروں کے اساتذہ، طلبہ و طالبات کیساتھ خصوصی نشست کی جس میں قومی و علاقائی صورتحال، آپریشن بنیان المرصوص اور قومی سلامتی کے قیام میں پاک فوج کے کلیدی کردار پر تفصیلی گفتگو کی گئی۔
ذرائع کے مطابق ڈی جی آئی ایس پی آر نے بہاولپور کے عوام کی تحریک پاکستان اور استحکامِ پاکستان میں گرانقدر خدمات کو سراہتے ہوئے خراجِ تحسین پیش کیا۔
سیشن میں فتنہ الہندوستان اور فتنہ الخوارج کے بھارتی گٹھ جوڑ اور سوشل میڈیا پر منفی پروپیگنڈے کے مختلف پہلوئوں پر روشنی ڈالی گئی۔
اسلامیہ یونیورسٹی کے وائس چانسلر نے پاکستان کی قومی سلامتی کے مفہوم اور اس کے مقاصد سے متعلق آگاہی کو سراہا۔
شرکا نے میڈیا لٹریسی کو نوجوانوں کے شعور اور رائے کے تحفظ کیلئے انتہائی اہم قرار دیتے ہوئے کہا کہ میڈیا لٹریسی منفی پروپیگنڈے اور دشمن کے بیانئے سے بچائو کا موثر ذریعہ ہے۔
شرکا اور مدارس کے طلباء نے ہر مشکل وقت میں قوم کے ساتھ کھڑے رہنے پر پاک فوج کو خراجِ تحسین پیش کرتے ہوئے کہا کہ پاک فوج نے ہمیشہ ریاست اور آئین کا وقار بلند رکھا ہے۔
تقریب کے اختتام پر طلبہ و طالبات نے پاک فوج اور پاکستان زندہ باد کے فلک شگاف نعرے لگائے۔
