بیجنگ(شِنہوا)چین میں ایکسپریس ڈیلیوری کے شعبے نے 2025 کے پہلے 11 ماہ کے دوران 180.74 ارب پارسلز کی ترسیل کی جو گزشتہ سال کی نسبت پر 14.9 فیصد اضافہ ظاہر کرتا ہے۔
ریاستی ڈاک بیورو کے مطابق چین کی وسیع تر پوسٹل صنعت جس میں ایکسپریس ڈیلیوری خدمات بھی شامل ہیں، نے اس عرصے کے دوران مجموعی طور پر 196.75 ارب پارسلز کی ترسیل کی جو 2024 کے اسی عرصے کے مقابلے میں 12.9 فیصد اضافہ ہے۔
جنوری سے نومبر تک ڈاک صنعت کی مجموعی کاروباری آمدنی 16.3 کھرب یوآن (تقریباً230.87 ارب امریکی ڈالر) سے تجاوز کر گئی جو گزشتہ سال کی نسبت6.7 فیصد اضافہ ہے۔
بالخصوص ایکسپریس ڈیلیوری کی آمدنی تقریباً 13.6 کھرب یوآن تک پہنچ گئی جو گزشتہ سال کے مقابلے میں 7.1 فیصد اضافہ ہے۔
ایک ہی شہر کے اندر ایکسپریس ڈیلیوریز کی تعداد 14.47 ارب پارسلز رہی جس میں گزشتہ سال کی نسبت 2.2 فیصد اضافہ ہوا جبکہ بین العلاقائی ڈیلیوریز 16.3 فیصد اضافے کے ساتھ 162.44 ارب پارسلز تک پہنچ گئیں۔
