گلگت بلتستان کے بالائی علاقوں میں شدید برفباری سے نظام زندگی مفلوج ہو کر رہ گیا، انتظامیہ نے ہنزہ، نگر، غذر، سکردو، شگر اور گھانچے ودیگر علاقوں کے رہائشیوں سے احتیاط برتنے کی اپیل کردی۔ اطلاعات کے مطابق گلگت بلتستان کے بالائی علاقوں میں شدید برفباری سے نظام زندگی مفوج ہو کر رہ گیا۔
زمینی رابطہ منقطع ہونے اور سفر میں رکاوٹوں کی وجہ سے شہریوں کو شدید مشکلات کا سامنا ہے، بابوسر ٹاپ اور خنجراب پاس سمیت اہم راستے برفباری کے باعث بند ہو گئے ہیں، حکام کے مطابق خنجراب پاس پر متعدد گاڑیاں پھنسی ہوئی ہیں جبکہ رانڈو کے مقام پر چٹان گرنے سے بلتستان روڈ بلاک ہوگئی ہے، گلگت بلتستان انتظامیہ نے ہنزہ، نگر، غذر، سکردو، شگر اور گھانچے ودیگر علاقوں کے رہائشیوں کو احتیاط برتنے کی اپیل کی ہے۔دوسری جانب محکمہ موسمیات کے مطابق خطے میں درجہ حرارت منفی 14 سینٹی گریڈ تک گر گیا ہے۔
