اداکارہ سجل علی نے اپنے سابق شوہر احد رضا میر کو ایکس پر دوبارہ فالو کر کر لیا۔ طلاق کے بعد اس غیر متوقع اقدام ہ نے سوشل میڈیا صارفین کو حیران کر دیا ہے۔
احد اور سجل کے کچھ مداح اسے پھر سے دوستی قرار دے رہے ہیں، جبکہ دیگر ماضی کی رومانوی جوڑی کی واپسی کی امید باندھ رہے ہیں۔
یاد رہے کہ سجل اور احد کی جوڑی نے 2017 کے مقبول ڈرامے ‘یقین کا سفر’ سے شہرت حاصل کی تھی، جہاں ان کی آن اسکرین کیمسٹری کو ناظرین کی جانب سے بیحد پسند کیا گیا تھا۔
اس کیمسٹری نے حقیقی زندگی میں بھی محبت کا روپ دھارا اور جون 2019 میں اس جوڑے نے منگنی اور 14 مارچ 2020 کو ابوظہبی میں شادی کرلی۔
تاہم یہ رشتہ زیادہ وقت نہیں چل سکا اور دو سال بعد تعلقات میں کشیدگی بڑھنے کے بعد دونوں میں علیحدگی ہوگئی۔
