اقوام متحدہ میں پاکستان کے نگران مستقل مندوب عثمان جاوید نے کہا کہ مقبوضہ کشمیر میں مظالم پر بھارت کو جوابدہ نہ ٹھہرانا اقوام متحدہ کی ساکھ پر سوالیہ نشان ہے
یو این جنرل اسمبلی اجلاس سے خطاب کرتے ہوئے عثمان جاوید نے کہا کہ بھارت مقبوضہ کشمیر میں انسانی حقوق کی سنگین پامالیوں میں ملوث ہے، وہاں کے عوام 7دہائیوں سے حق خودارادیت سے محروم ہیں۔
انہوں نے کہا کہ 5اگست 2019 کے بعد مقبوضہ کشمیرمیں بھارت کا ظلم شدت اختیار کرگیا، کشمیری قیادت قید، عوام پرتشدد، خواتین کی بے حرمتی، بچوں کو نشانہ بنایا جا رہا ہے۔
انہوں نے کہا کہ اقوام متحدہ اور اوآئی سی کی رپورٹس بھارتی مظالم کی تصدیق کرتی ہیں،بھارت کوجوابدہ نہ ٹھہرانا اقوام متحدہ کی ساکھ پرسوالیہ نشان ہے۔
