چین کے جنوبی ہانگ کانگ کے سن یات سین یادگاری باغ میں لوگ دیوقامت پانڈا کے مجسمے کے ساتھ تصاویر بنوا رہے ہیں۔(شِنہوا)
ہانگ کانگ(شِنہوا)ہانگ کانگ میں اپریل کے دوران 38 لاکھ سیاح آئے۔ یہ گزشتہ برس کی نسبت13 فیصد اضافہ ہے۔
ہانگ کانگ سیاحتی بورڈ نے اعلان کیا ہے کہ 2025 کے ابتدائی 4 ماہ میں آنے والے سیاحوں کی مجموعی تعداد ایک کروڑ 60 لاکھ تک پہنچ گئی ہے جو گزشتہ برس کی نسبت 10 فیصد زائد ہے۔
اعداد و شمار کے مطابق اپریل میں ان دوروں کی تعداد تقریباً 10 لاکھ 30 ہزار رہی جو چینی مین لینڈ سے ںہیں ہوئے۔ یہ گزشتہ برس کی نسبت 14 فیصد زائد ہے۔ مختصر اور طویل عرصے میں سیاحوں کی تعداد میں اضافے کی شرح دوہرے ہندے میں رہی۔
کئی اہم مارکیٹوں نے خصوصی طور پر ابتدائی 4 ماہ میں مضبوط نمو کا مظاہرہ جاری رکھا۔ جاپان، جنوبی کوریا، فلپائن اور انڈونیشیا کے سیاحوں کی آمد میں بالترتیب 20 فیصد سے زائد کا اضافہ ہوا۔ آسٹریلیا سے آنے والوں کی تعداد میں اضافہ اس سے بھی نمایاں یعنی 30 فیصد سے زائد رہا۔
مختلف گروہوں کو شہر کی طرف راغب کرنے کے لئے سیاحتی بورڈ نے ہانگ کانگ کلچرل بیٹ کے عنوان سےایک نئی موسمی موضوعاتی تشہیری مہم شروع کی ہے تاکہ شہر کے منفرد روایتی تہواروں اور ثقافتی تقریبات کو سیاحوں اور مقامی لوگوں کےلئے یکساں طور پر پیش کیا جا سکے۔
