پاکستانی خوبرو اداکارہ دانیہ انور نے کہا ہے کہ مجھے اپنے کسی فیصلے پر پچھتاوا نہیں ہے لیکن پہلی طلاق میرے لیے مشکل تھی، لوگ کہتے ہیں کہ طلاق لے لو یہ آسان ہے لیکن جب طلاق لی تو احساس ہوا کہ یہ میرے لیے مشکل عمل تھا۔ ایک انٹر ویو میں انہوں نے کہا کہ جب طلاق کا فیصلہ کیا تو اپنے گھر والوں کو نہیں بتایا کہ میں طلاق لے رہی ہوں، مگر جب انہیں اس بات کا علم ہوا تو انہوں نے میری حمایت کی کہ اب میں نے ایک فیصلہ لے لیا ہے تو اس پر پوری طرح قائم رہوں۔ دانیہ انور کا کہنا ہے کہ میں نے اپنے سکون کے لیے طلاق لی، طلاق سے صرف مجھے سکون نہیں ملا بلکہ میرے ارد گرد کے لوگ بھی سکون میں آ گئے، ابتدا کچھ چیزیں نظر آئیں لیکن سوچا کے وقت کے ساتھ بچے ہونے کے بعد سب ٹھیک ہو جائے گا لیکن چیزیں ٹھیک ہونے کی بجائے بگڑتی چلی گئیں۔ انہوں نے بتایا کہ مجھے لگتا ہے کہ منشیات صرف ایک بہانہ ہے، نشے میں بھی انسان کے اندر سے وہی نکلتا ہے جو وہ حقیقت میں ہوتا ہے، میرے لیے اور بچوں کے لیے زندگی گزارنا مشکل ہو گیا تھا، پھر گھر اور بچوں کی مکمل ذمے داری بھی مجھ پر آ گئی تھی کیونکہ پہلا شوہر کماتا بھی نہیں تھا۔دانیہ انور نے بتایا کہ سابق شوہر شادی سے پہلے منشات کا عادی نہیں تھا لیکن پھر آہستہ آہستہ منشیات کا عادی ہوتا چلا گیا، نشے کے علاوہ وہ مجھے جسمانی تشدد کا نشانہ بھی بنانے لگا۔
