جنوبی کورین حکومت نے 13،13بچے پیدا کرنیوالی دو خواتین کو گولڈ میڈل (سویلین سروس) عطاء کردیا۔ رپورٹ کے مطابق 60سالہ ایوم گئی-سک نامی خاتون کو سول میرٹ کے پانچویں درجے کے ایوارڈ سی یونگنیو میڈل سے نوازا گیا۔ یہ ایوارڈ ان لوگوں کو دیا جاتا ہے جنہوں نے ملکی سیاست، معیشت، معاشرت، تعلیم میں اپنا حصہ ڈالا ہو اور سپورٹ کیا ہو۔دوسری خاتون 59سالہ لی یونگ-می کو جس سول میرٹ میڈل سے نوازا گیا وہ ان افراد کو دیا جاتا ہے جو کامیابیوں اور عطیات کے ذریعے یا اپنی جان خطرے میں ڈال کر دوسروں کی زندگیاں بچا کر یا عوامی خدمت کیلئے اپنی زندگی مختص کرتے ہوئے ملکی فلاح میں حصہ ڈالتے ہیں۔رپورٹ کے مطابق ایوم نے 1986سے 2007ء کے درمیان پانچ بیٹوں اور 8بیٹیوں کو جنم دیا جبکہ لی کے گھر پہلے بچے کی ولادت 23برس اور آخری بچے کی ولادت 44برس کی عمر میں ہوئی
