اسلام آباد: برطانیہ نے پاکستانی طلبائ، کھلاڑیوں، کاروباری اور پیشہ ور افراد کیلئے ای ویزا سسٹم متعارف کرا دیا ۔
جاری بیان میں پاکستان میں برطانوی ہائی کمشنر جین میریٹ نے بتایا ہے کہ برطانوی حکومت نے امیگریشن کا عمل ڈیجیٹل، محفوظ اور تیز تر بنا دیا ہے، اب برطانیہ کا ویزا آن لائن یو کے وی آئی اکانٹ کے ذریعے حاصل کیا جا سکے گا، نیا سسٹم وقت کی بچت اور سادہ عمل فراہم کرے گا۔
انہوں نے بتایا کہ ای ویزا کے نفاذ سے امیگریشن سٹیٹس یا شرائط پر کوئی اثر نہیں پڑے گا، ای ویزا کیم سٹوڈنٹس، گلوبل ٹیلنٹ، سپورٹس پرسن، اور سکلڈ ورکرز کیلئے ہوگی، یوتھ موبیلٹی، ٹیمپریری ورک اور بزنس موبیلٹی ویزوں پر بھی ای ویزا لاگو ہو گا۔
انہوں نے بتایا کہ نئے سسٹم کے تحت پاسپورٹ ہولڈرز اپنی دستاویزات یو کے وی آئی اکاؤنٹ سے منسلک کر سکیں گے، ویزا سٹیٹس پروف کرنے کیلئے آن لائن ویو اینڈ پروو سروس متعارف کرا دی ہے۔
انہوں نے واضح کیا کہ عام وزیٹر ویزہ، ڈپینڈنٹ ویزوں کیلئے فزیکل سٹیکر ضروری ہوگا تاہم پرانے فزیکل ویزا ہولڈرز کو کسی اضافی کارروائی کی ضرورت نہیں ہو گی۔
