پاکستان اور آسٹریلیا کے مابین کھیلے جانیوالے 3میچوں پر مشتمل ٹی 20سیریز کیلئے ٹکٹوں کی آن لائن فروخت آج(16جنوری) شروع ہورہی ہے جوویب سائٹ pcb.tcs.com.pkسے حاصل کی جا سکتی ہیں۔
پاکستان کرکٹ بوڈ کے ذرائع کے مطابق فیزیکل ٹکٹیں19جنوری بروز پیرسے دستیاب ہوں گی، ٹکٹیں ملک بھر کے ٹی سی ایس ایکسپریس سینٹرز پر دستیاب ہوں گی، ٹی ٹوئنٹی میچز 29، 31 جنوری اور 1 فروری کو قذافی سٹیڈیم لاہور میں ہونگے جو پاکستانی وقت کے مطابق شام 6 بجے شروع ہونگے۔
ذرائع کے مطابق پہلے میچ کی وی آئی پی انکلوژرز کی ٹکٹ 800روپے جبکہ باقی دونوں میں 1000روپے کی ہوگی، پریمیم انکلوژرز کا ریٹ پہلے میچ میں 600روپے رکھا گیا ہے جبکہ دوسرے اور تیسرے میچ میں پریمیم انکلوژرز کا ٹکٹ 700روپے میں خریدا جا سکتا ہے، فرسٹ کلاس انکلوژرز کا ٹکٹ 500روپے پہلے اور 600روپے کا باقی دو میچز میں ملے گا، اسی طرح جنرل انکلوژرز کے ٹکٹ کا ریٹ 400اور 500 روپے ہوگا۔
پی سی بی کے مطابق اقبال اینڈ کے وی آئی پی ٹکٹ کی قیمت 1500اور 2000روپے مقرر کی گئی ہے، جناح اینڈ وی آئی کا ٹکٹ 2000اور آخری دو میچوں میں 2500روپے کا ہوگا جبکہ ہاسپیٹیلٹی گیلری کا ریٹ 5000اور 6000روپے رکھا گیا ہے۔
ذرائع کے مطابق اقبال اینڈ کے 24سیٹر ہاسپیٹیلٹی باکس میں ایک سیٹ پہلے میچ میں 20،000 جبکہ آخری دو میچوں میں 25،000 روپے میں خریدی جا سکتی ہے۔
 شروع ہورہی ہے جوویب سائٹ pcb.tcs.com.pkسے حاصل کی جا سکتی ہیں۔){kind=link}