بالی ووڈ اداکارہ شردھا کپور کی انکے مبینہ بوائے فرینڈ راہول موڈی کیساتھ ادے پور میں شادی کی افواہیں گرم ہیں جن پر انکے بھائی نے ردعمل دیا ہے جو سوشل میڈیا پر وائرل ہوگیا ہے۔
سوشل میڈیا پر افواہیں گردش کررہی ہیں کہ شردھا کپور بوائے فرینڈ راہول موڈی کیساتھ ریاست راجستھان کے سیاحتی شہر ادے پور میں ڈسٹی نیشن ویڈنگ کرنے جارہے ہیں تاہم اداکارہ کی شادی مداحوں کیساتھ ساتھ خاندان کیلئے بھی اتنی ہی حیران کن ہے۔
سوشل میڈیا پر ایک پوسٹ میں دعویٰ کیا گیا کہ اداکارہ ادے پور میں ہیریٹیج سٹائل شادی کی منصوبہ بندی کر رہی ہیں، مداح اس خبر پر خوشی اور اداسی کے ملے جلے جذبات محسوس کر رہے ہیں۔
دوسری جانب شردھا کپور کے بھائی سدھانتھ کپور نے کمنٹ میں حقیقت واضح کرتے ہوئے لکھا کہ یہ تو میرے لئے بھی ایک خبر ہے اور ساتھ ہی میں ہنستے ہوئے ایموجی بھی شیئر کیے۔
