چین کے شہر شنگھائی نے بدھ کے روز شہری صحت میں دیکھ بھال کے حوالے سے ایک نیا سنگ میل عبور کرتے ہوئے پہلی بار ڈرون کے ذریعے میڈیکل سیمپلز کی کامیاب ترسیل کی ہے۔
افتتاحی پرواز میں ایک ڈرون میڈیکل ٹیسٹ سیمپلز لے کر رینجی ہسپتال کے مشرقی کیمپس سے اڑان بھرتا ہوا 14.5 کلومیٹر کا سفر طے کر کے جنوبی کیمپس تک پہنچا۔
اسی دوران ایک اور ڈرون شمالی کیمپس سے مشرقی کیمپس تک 4 کلومیٹر کا فاصلہ صرف آٹھ منٹ میں طے کرتے ہوئے عمارت کی چھت پر بحفاظت اترا۔
ڈرون ٹیکنالوجی کے استعمال سے پہلے رینجی ہسپتال کا اپنے چاروں کیمپسز کے درمیان میڈیکل سیمپلز کی ترسیل کے لئے زمینی ٹرانسپورٹ پر ہی مکمل دارومدار تھا جو اکثر ٹریفک کی وجہ سے تاخیر کا شکار ہو جاتا تھا۔
رینجی ہسپتال کے نائب صدر لی جن کے مطابق نئے ڈرون ڈیلیوری سسٹم نے سیمپلز کی ترسیل کو بہتر بنایا، ترسیل کے اوقات میں نمایاں کمی لائی، محنت اور عملی اخراجات کم کئے اور سڑکوں پر رش کے مسائل پر قابو پایا ہے۔
شنگھائی، چین سے شِنہوا نیوز ایجنسی کے نمائندوں کی رپورٹ
۔۔۔۔۔۔۔۔۔۔۔۔۔۔۔۔۔۔
ٹیکسٹ آن سکرین:
شنگھائی میں شہری صحت میں ڈرون ڈیلیوری کا پہلا کامیاب تجربہ
رینجی ہسپتال کے مشرقی و جنوبی کیمپس کے درمیان 14.5 کلومیٹر کی پرواز
شمالی سے مشرقی کیمپس تک ڈرون نے صرف آٹھ منٹ میں سفر مکمل کیا
پہلے میڈیکل سیمپلز کی ترسیل صرف زمینی ٹرانسپورٹ پر منحصر تھی
ڈرون سسٹم نے ترسیل کے اوقات میں کمی اور لاگت میں بچت ممکن بنائی
نیا نظام شہری ٹریفک کے مسائل پر قابو پانے میں بھی معاون ہے
ڈرون ٹیکنالوجی کے استعمال سے ہسپتال کی کارکردگی بہتر ہوئی
افتتاحی پرواز نے شہری صحت میں جدید ٹیکنالوجی کا سنگ میل قائم کیا
ڈرونز نے عمارت کی چھت پر بحفاظت اتارنے کا تجربہ کامیابی سے مکمل کیا
لی جن کے مطابق یہ نظام ہسپتال کے عملی اور مالی اخراجات کم کرتا ہے
