زخمی فوجیوں کو بچانے کی کوشش میں اسرائیلی فوج کا ایک ٹینک یونیفیل کی ایک چوکی میں داخل ہو گیا

اسرائیلی فوج  کے  اتوار کے روز جاری ایک بیان کے مطابق اس کا ایک  ٹینک زخمی فوجیوں کو بچانے  کی کوشش کے دوران غلطی سے چند میٹر  کے فاصلے پر اقوام متحدہ کی عبوری فورس برائے لبنان کی ایک چوکی میں داخل ہو گیا۔

 #XinhuaNews

#شِنہوا نیوز

اسٹینڈ اپ (انگریزی): تان یی شیاوٴ،  نمائندہ شِنہوا

یہ شنہوا نیوز ہے۔ اسرائیلی فوج نے اتوار کے روز جاری  ایک بیان کے مطابق  زخمی اسرائیلی فوجیوں کو بچانے  کی کوشش میں ان کا ایک  ٹینک غلطی سے چند میٹر پیچھے ہٹتے ہوئے اقوام متحدہ کی عبوری فورس برائے لبنان  کی ایک چوکی میں داخل ہو گیا۔

یہ بیان اقوام متحدہ کی عبوری فورس برائے لبنان کی ایک رپورٹ کے بعد سامنے آیا جس میں بتایا گیا تھا کہ اسرائیلی ٹینکوں نے جنوبی لبنان کے علاقے رمیہ میں اس کی ایک چوکی کے مرکزی گیٹ کو توڑ دیا ہے۔ اسرائیلی دفاعی افواج  کی طرف سے فائر کیے گئے گولے 100 میٹر دور پھٹے، جن کے  دھویں سے امن دستے کے کم از کم 15 اہلکاروں کی طبیعت خراب ہو گئی۔ اقوام متحدہ کی عبوری فورس برائے لبنان کا کہنا تھا کہ ٹینک تقریباً 45 منٹ بعد وہاں سے چلے گئے۔