راولپنڈی سے لاہور جانے والی اسلام آباد ایکسپریس کی کمانی ٹوٹ گئی،ٹرین بڑے حادثے سے بال بال بچ گئی،سینکڑوں افراد کی زندگیوں کو خطرے میں ڈال کر پنڈی سے وزیرآباد تک ٹرین کو اسی حالت میں لایا گیا۔ وزیرآباد جنکشن پر مسافروں کے شدید احتجاج پر ٹرین کو روک لیا گیا، پریشان حال سینکڑوں مسافر بروقت منزل تک نہ پہنچ سکے۔ٹرین کو زبردستی بھیجنے کی کوشش کی جا رہی تھی،ریلوے انتظامیہ کی غفلت سے بڑا حادثہ پیش آ سکتا تھا۔ڈرائیورنے کہاتھا کہ میں رسک نہیں لے سکتا، سٹیشن ماسٹر سے کہا کہ لکھ کر دو ں کہ حادثہ نہیں ہو گا، مسافروں کے احتجاج کے بعد سٹیشن ماسٹر اپنے دفتر سے غائب ہو گیا۔ ریلوے حکام کا کہنا ہے کہ ٹرین کو وزیرآباد ریلوے سٹیشن پر گھنٹوں انتظار کرنا پڑا،ٹرین کی بوگی تبدیل کر کے روانہ کر دیا گیا، وزیرآباد ٹرین کو چلانے اور بوگی کے تبادلہ کے لیے سٹیشن ماسٹر کو مصروف رہنا پڑا،مسافروں کی زندگی کا تحفظ مقدم ہے،کوتاہی برتنے کا سوال ہی پیدا نہیں ہوتا۔
