اسلام آباد:صدرآصف زرداری نے 104ملکی و غیرملکی افراد کو اعزازات دینے کی منظوری دے دی۔جاری بیان کے مطابق صدر آصف زرداری نے پاکستان کے لئے خدمات کے اعتراف مییں 104 ملکی و غیر ملکی شخصیات کو اعزازت دینے کی منظوری دے دی ہے۔
بیان کے مطابق یہ اعزازات 23 مارچ 2025ء کو منعقدہ خصوصی تقریب میں دیئے جائیں۔اعلامئے کے مطابق خدمات عامہ کے شعبے میں نمایاں خدمات کے اعتراف میں ذوالفقار علی بھٹو (شہید)کو نشان پاکستان، کھیل کے شعبے میں ارشد ندیم کو ہلال امتیاز، مراد سدپارہ کو ستارہ امتیاز، ادب کے شعبے میں ناصر کاظمی (مرحوم) کو نشان امتیاز بعد از وفات دینے کی منظوری دی گئی ہے۔
بیان کے مطابق پاکستان کیلئے خدمات کے اعتراف میں پرنس عبدالعزیز بن سلمان السعودکو ہلال پاکستان، سائنس اور ٹیکنالوجی کے شعبے میں عامر حفیظ ابراہیم کو ہلال امتیاز، ڈاکٹرغلام محمد علی اور سردار محمد آفتاب احمد خان وٹو کوستارہ امتیاز، ڈاکٹر سارہ قریشی، ڈاکٹر رفیع الدین اور پروفیسر ڈاکٹرعثمان قمر کو تمغہ امتیاز، تعلیم کے شعبے میں سعدیہ رشیدکو ہلال امتیاز، ضیاء الحق، ڈاکٹرسلیمان شہاب الدین اور سید اظہر حسین عابدی کو ستارہ امتیاز عطا کرنے کی منظوری دی گئی ہے۔
اسی طرح شعبہ طب میں پروفیسر ڈاکٹر شہریار اور ڈاکٹر زریاب کو ہلال امتیاز، ڈاکٹرعاکف اللہ خان، ڈاکٹر سید عابد مہدی کاظمی، اکرام اللہ خان کو تمغہ امتیاز، فنون کے شعبے میں کالن ڈیوڈ کو ستارہ امتیاز، ارشدعزیز ملک، بختیار احمد، بیرسٹر ظفراللہ کو تمغہ امتیاز، فریحہ پرویز، حامدرانا، شیبا ارشد اور نوید احمد بھٹی کوصدارتی ایوارڈ برائے حسن کارکردگی سے نوازاجائے گا۔
