ٹیرف میں نرمی عالمی تجارت کے فروغ کا مؤثر ذریعہ بن گئی

ایک پاکستانی عہدیدارکے مطابق ٹیرف میں رکاوٹوں کو کم کرنا عالمی تجارت کو فروغ دے گا اور کثیرالجہتی تجارتی نظام کو  بھی مضبوط بنائے گا۔

ساؤنڈ بائٹ (انگریزی): اسد علی شاہ، ڈپٹی چیف، اکنامک ریسرچ اینڈ انٹرنیشنل کوآپریشن سیکشن، وزارت منصوبہ بندی، ترقی و خصوصی اقدامات، پاکستان
"اگر ٹیرف رکاوٹیں ختم یا کم کر دی جائیں تو یہ نہ صرف دونوں ممالک کے لیے فائدہ مند ہوگا بلکہ عالمی تجارت کو بھی فروغ ملے گا۔ اس سے پیداواری عمل مؤثر ہوگا، عالمی طلب میں اضافہ ہوگا اور روزگار کے نئے مواقع پیدا ہوں گے۔ جب روزگار بڑھے گا تو عوام کی خریداری کی صلاحیت میں بہتری آئے گی، جس کا براہِ راست اثر فلاح و بہبود پر پڑے گا۔
ایک طرف روزگار تو دوسری طرف مہنگائی  ہے۔ اگر امریکہ چینی مصنوعات پر ٹیرف عائد کرتا ہے تو ان کی قیمتیں بڑھ جاتی ہیں، جس کا بوجھ براہِ راست امریکی صارفین پر پڑتا ہے۔  کیونکہ ٹیرف قیمتوں میں اضافہ کرتا ہے۔  جب عوام مہنگی اشیاء خریدیں گے تو ان کی حقیقی خریداری کی طاقت کم ہو جائے گی۔ لہٰذا اگر تمام ٹیرف ختم کر دیے جائیں یا کم کر دیے جائیں تو اس سے امریکی عوام کی خریداری کی طاقت میں اضافہ ہوگا، طلب بڑھے گی اور معیشت میں بہتری آئے گی۔ یوں دونوں ممالک کے لیے جیت کی صورتحال پیدا ہوگی۔
یہ عمل نہ صرف دونوں ممالک کے درمیان باہمی فائدے کا باعث بنےگا بلکہ عالمی سطح پر بھی ایک مثبت مثال قائم کی جائے گی ۔ جس سے کثیرالجہتی تجارتی نظام کو تقویت ملے گی، سپلائی چین مستحکم ہوگی اور عالمی ویلیو چین کو دوبارہ مؤثر انداز میں منظم کیا جا سکے گا، یوں باہمی تعاون کو نئی جہت ملے گی۔”

اسلام آباد سے شِنہوا نیوز ایجنسی کے نمائندوں کی رپورٹ