چین کے اعلیٰ قانون ساز کی برازیل کے صدر سے ملاقات

چین کی قومی عوامی کانگریس کی قائمہ کمیٹی کے چیئرمین ژاؤ لےجی برازیل کے صدر لوئس اناسیو لولا ڈی سلو سے ملاقات کررہے ہیں- (شِنہوا)

بیجنگ(شِنہوا)چین کے اعلیٰ قانون ساز ژاؤ لے جی نے بیجنگ میں برازیل کے صدر لوئس اناسیو لولا ڈی سلوا سے ملاقات کی ہے۔

قومی عوامی کانگریس (این پی سی) کی قائمہ کمیٹی کے چیئرمین ژاؤ لے جی نے کہا کہ چین برازیل کے ساتھ اپنی تزویراتی تعاون کو مضبوط بنانے اور مشترکہ مستقبل  کے حامل چین-برازیل معاشرے کی خصوصیات کو مسلسل بہتر بنانے کے لئے تیار ہے۔

ژاؤ لے جی نے کہا کہ این پی سی برازیل کی کانگریس کے ساتھ مل کر دونوں ممالک کے سربراہان مملکت کے درمیان طے پانے والے اہم اتفاق رائے پر عملدرآمد کرنے، قانون سازی اور نگرانی کے تجربات کے تبادلے کو بڑھانے اور دونوں ممالک کے درمیان عملی تعاون کے لئے قانونی ضمانت فراہم کرنے کی خاطر کام کرنے کے لئے تیار ہے۔

قانون ساز اداروں کے درمیان تبادلوں کی اہمیت کا ذکر کرتے ہوئے برازیل کے صدر لوئس اناسیو لولا ڈی سلوا نے کہا کہ برازیل نظم و نسق کے تجربات کے تبادلے کو بڑھانے، کثیرجہتی اور آزاد تجارت کو برقرار رکھنے، تحفظ پسندی کی مخالفت کرنے، موسمیاتی تبدیلی سے نمٹنے اور مشترکہ مستقبل کے حامل معاشرے کی تعمیر کو آگے بڑھانے کے لئے چین کے ساتھ مل کر کام کرنے کا خواہشمند ہے۔