سندھ ہائیکورٹ کے آئینی بینچ نے انڈسٹریز پر سوئی سدرن گیس کمپنی کے کیپٹو ٹیرف کا نفاذ غیر آئینی قرار دیدیا ہے۔
آئینی بینچ میں کیپٹو ٹیرف کے نفاذ کیخلاف درخواست کی سماعت ہوئی۔
درخواست گزار کے وکیل نے موقف اختیار کیا کہ صنعتوں پر کیپٹو ٹیرف کے اطلاق سے پیداواری لاگت میں اضافہ ہوگا، عدالت نے درخواست منظور کرتے ہوئے صنعتوں پر کیپٹو ٹیرف کے اطلاق کو غیر آئینی قرار دیدیا اور اب تک وصول کئے گئے واجبات کو آئندہ بلوں میں ایڈجسٹ کرنے کی ہدایت کردی۔
سوئی سدرن گیس کمپنی نے فروری 2025 میں صنعتوں پر کیپٹو ٹیرف عائد کیا تھا، درجنوں صنعتوں نے ٹیرف کیخلاف درخواستیں دائر کی ہیں۔
