پشاور ہائیکورٹ نے سونے کی کان کنی میں مرکری کے استعمال پر پابندی عائد کرتے ہوئے محکمہ معدنیات کے حکام کو آئندہ سماعت پر طلب کر لیا۔منگل کو پشاور ہائیکورٹ میں چیف جسٹس اشتیاق ابراہیم اور جسٹس وقار احمد پر مشتمل دو رکنی بینچ نے کوہاٹ میں سونے کی کان کنی میں مرکری استعمال کیخلاف درخواست پر سماعت کی ۔درخواست گزار کے وکیل نے موقف اپنایا کہ کان سے سونا نکالنے کیلئے مرکری کو جلایا جاتا ہے،
مرکزی کے استعمال سے علاقے میں پانی زہر آلودہ ہوتا جا رہا ہے۔ وکیل نے کہا کہ مرکری کے استعمال پر دنیا بھر میں پابندی ہے۔دلائل کے بعد بعد عدالت نے سونے کی کان کنی میں مرکری کے استعمال پر پابندی عائد کرتے ہوئے محکمہ معدنیات کے حکام کو نوٹس جاری کرتے ہوئے آئندہ سماعت پر طلب کر لیا۔
