گلوکار نعمان جاوید نے کہاہے کہ 2016 میں خودکشی کی کوشش کے وقت میں شدید ذہنی دباو اور ذاتی مشکلات سے گزر رہا تھا، میں نے ہمیشہ لوگوں کے ساتھ اچھا کرنے کی کوشش کی، مگر بدلے میں صلا نہیں ملا، اس وقت لگتا تھا کہ دنیا بہت ظالم اور بری ہے۔
ایک انٹرویو میں انہوں نے کہا کہ ایک دن وہ ٹی وی پر خبریں دیکھ رہا تھا جہاں میںنے کراچی میں ایک باپ کو اس کی پانچ سالہ بیٹی سمیت گاڑی میں جلائے جانے کی خبر سنی، یہ واقعہ سن کر میں شدید جذباتی ہو گیا اور اس لمحے مجھے لگا کہ سب ختم ہو گیا ہے اور امیں نے خودکشی کرنے کا فیصلہ کیا۔
انہوں نے کہا کہ میں نے لوگوں کو صحیح راستہ دکھانے کی بھی کوشش کی، حالانکہ یہ میرا کام نہیں تھا اور مجھے اس بات کا احساس بہت دیر میں ہوا۔
نعمان جاوید نے بتایا کہ اس احساس کے بعد میں نے خود کو بہتر بنانے کی کوشش شروع کی، تاہم میں نفسیاتی مسائل میں بھی مبتلا ہوگیا۔
نعمان جاوید نے کہا کہ میں نہیں سمجھتا کہ میرا عمل درست تھا، لیکن اس وقت وہ اتنے ٹوٹ چکے تھے کہ انہیں یہی واحد راستہ لگا۔
انہوں نے مزید بتایا کہ وہ جانتے تھے کہ خودکشی دین میں حرام ہے، لیکن اس وقت وہ مجبور تھے، لیکن اللہ نے ہی ان کی جان بچائی اور اس کے بعد انہیں ایک نیا تحفہ ملا کہ انہوں نے نماز کی پابندی شروع کر دی۔
