پاک آرمی نے برطانیہ میں ہونے والی پیٹرول مشق میں گولڈ میڈل حاصل کرلیا۔پاک فوج کے شعبہ تعلقات عامہ(آئی ایس پی آر) کے مطابق پاک آرمی کی ٹیم نے 4 سے 13 اکتوبر تک ویلز، برطانیہ میں کیمبرین پیٹرول مشق 2024 میں شرکت کی جس میں 42 ممالک کی 128 ٹیموں نے حصہ لیا۔
آئی ایس پی آر کا بتانا ہے کہ آرمی کی ٹیم نے شاندار کارکردگی کا مظاہرہ کرتے ہوئے گولڈ میڈل حاصل کیا، یہ پوری قوم اور پاکستان آرمی کے لیے ایک فخر کا لمحہ ہے، 65 ویں مشق کیمبرین پیٹرول نیاپنے پیشہ ورانہ معیار کو برقرار رکھا ہے، مقابلے میں 48گھنٹے میں 60کلومیٹر کافاصلہ طے کرتے ہوئے مخصوص ٹاسک مکمل کرنا تھے۔
