اسلام آباد: جے یو آئی کے رہنما حافظ حمداللہ نے علی امین گنڈاپور کو تنقید کا نشانہ بناتے ہوئے کہا ہے کہ مولانا فضل الرحمن کو فارم 47 کا بینفیشری کہنے والے بتائیں آپ کس کے این او سی پر وزیر اعلی بنے، 8 فروری کے انتخابات آپ کو ووٹ سے نہیں نوٹ سے جتوائے گئے۔
حافظ حمداللہ نے وزیر خبیرپختونخوا علی امین گنڈاپور کے بیان پر ردعمل دیتے ہوئے کہا ہے کہ آج بھی آپ کی حکومت دولت اور طاقت کے بل بوتے پر کھڑی ہے، آپ کی اپنی پارٹی میں آپ کی حکومت کے خلاف آوازیں اٹھ رہی ہیں۔
انہوں نے کہا کہ صوبہ جل رہا ہے اور علی امین گنڈاپور لاؤ لشکر کے ساتھ پنجاب فتح کرنے نکلے ہوئے ہیں، خیبرپختونخوا میں حکومت آپ کے بازو سے نہیں ڈنڈے کی زور سے بنی۔
