چینی طب کے مطالعے کیلئے فرانسیسی طبی ماہرین کا چین کا دورہ

فرانس سے 18 طبی ماہرین  کا ایک گروپ چین کے مشرقی صوبہ فوجیان کے شہر شیامن میں روایتی چینی طب (ٹی سی ایم) کے حوالے سے 10 روزہ مطالعاتی و تحقیقی دورہ کر رہا ہے۔

پیر کے روز شیامن ہسپتال برائے روایتی چینی طب پہنچنے کے بعد وہ اندرونی اعضاء کے امراض، بچوں کی بیماریوں، امراض نسواں، ایکوپنکچر، مساج اور بحالی کے شعبوں میں مطالعہ اور پریکٹس کریں گے۔

ساؤنڈ بائٹ 1 (انگریزی): برونو میتھیو، فرانسیسی طبی ماہر

’’میں فرانس میں اُن مریضوں کا علاج کرتا ہوں جو پٹھوں کے مسائل میں مبتلا ہوتے ہیں۔ میں یہاں روایتی چینی طب سیکھنے آیا ہوں کیونکہ ہمارے مریضوں کے لیے یہ طریقہ زیادہ مؤثر ثابت ہوتا ہے۔ یہ طریقہ کار بہت اہم ہے۔ اس سے ہمیں فوراً اچھے نتائج ملتے ہیں۔ یہ جدید میڈیکل سائنس کے ساتھ مل کر علاج کو مکمل کرتا ہے۔‘‘

ساؤنڈ بائٹ 2 (انگریزی): کیتھرین گیرارڈ، فرانسیسی طبی ماہر

’’میں روایتی چینی طب سیکھنے کے لیے چین آئی ہوں۔ میں نے فرانس میں بھی اسے سیکھنے کی کوشش کی تھی، لیکن یہاں آ کر میرا تجربہ کچھ مختلف رہا۔ اس کی وجہ یہ ہے کہ چین میں وہ تمام عملی مشقیں دیکھنے کو ملتی ہیں جو فرانس میں ممکن نہیں۔ میرا ماننا ہے کہ چین میں آ کر اس کا عملی مطالعہ کرنا واقعی بہت ضروری ہے۔‘‘

ساؤنڈ بائٹ 3 (انگریزی): پیریٹ اوبرہاؤژن، فرانسیسی طبی ماہر

’’ یہاں کا ماحول واقعی بہت شاندار ہے۔ ہمیں یہاں کے ڈاکٹروں سے مل کر اعلیٰ درجے کا علم حاصل ہوا ہے۔ سب سے دلچسپ بات یہ ہے کہ وہ بچوں کے ساتھ کیسے پریکٹس کرتے ہیں اور لوگوں سے کس انداز میں پیش آتے ہیں۔ وہ بہت کھلے دل کے مالک ہیں اور ہر ایک کے ساتھ بہت خوش اخلاقی سے پیش آتے ہیں۔‘‘

شیامن، چین سے نمائندہ شِنہوا نیوز ایجنسی کی رپورٹ