پاکستان کے ہمسایہ ملکوں افغانستان اور بھارت کا گٹھ جوڑ بے نقاب ہورہا ہے جو پاکستان کو کمزور کرنے اور ملک میں انتشار پھیلا کر عدم استحکام سے دوچار کرنے کیلئے سازشوں میں مصروف عمل ہیں۔
حال ہی میں افغانستان کی طالبان حکومت نے 2021 میں اقتدار میں واپس آنے کے بعد بھارت میں اپنا پہلا سینئر سفارتی نمائندہ تعینات کردیا ہے۔
غیر ملکی میڈیا کے مطابق نور احمد نور نے بھارت میں بطور ناظم الامور ذمہ داریاں سنبھال لی ہیں۔
طالبان کی وزارت خارجہ کے سینئر عہدیدار مفتی نور احمد نور گزشتہ دنوں دہلی پہنچے تھے، اکتوبر 2025میں طالبان کے قائم مقام وزیر خارجہ امیر خان متقی کے دور بھارت کے دوران دونوں ممالک نے بھارت میں افغان نمائندہ مقرر کرنے پر اتفاق کیا تھا۔
