پاکستانی شوبز انڈسٹری کے معروف اداکار فیروز خان کی سابقہ اہلیہ علیزے سلطان نے کہا ہے کہ بچوں کو اسکول چھوڑنے سے انہیں واپس لینے تک، بچوں کے لیے کمانے اور ان کی ضروریات پوری کرنے تک ہر چیز کی ذمہ داری آج کل صرف ماں کے کندھوں پر آ گئی ہے۔
ایک وی لاگ میں گفتگو کرتے ہوئے انہوں نے کہا کہ اگر والدین کی طلاق یا علیحدگی ہوگئی ہے تو والد کی ذمہ داری صرف مالی اخراجات برداشت کرنا نہیں ہوتا، تعاون میں بچوں کی پرورش میں مساوی اور فعال کردار ادا کرنا بھی شامل ہے۔
انہوں نے کہا کہ مجھے ایسا لگتا ہے کہ ایسا کرنا ایک اکیلی ماں کے لیے مشکل ہے اور سب کچھ صرف عورت کے کندھوں پر ڈال دینا غلط ہے۔
علیزے سلطان نے کہا اگر ایک ماں یہ تمام ذمہ داریاں اٹھا رہی ہے تو شاید یہ اس کی بھی غلطی ہے کہ اس نے اس کے خلاف آواز کیوں نہیں اٹھائی لیکن مجھے لگتا ہے اس میں ہمارا معاشرہ زیادہ ذمہ دار ہے۔
یاد رہے کہ علیزہ سلطان اور فیروز خان کی 2018 میں شادی ہوئی تھی، اس جوڑی کے 2 بچے بیٹا سلطان اور بیٹی فاطمہ ہے۔ 2023 میں دونوں شخصیات کی جانب سے اپنی طلاق کا باقاعدہ اعلان کیا گیا تھا جبکہ طلاق کے 2 سال بعد 2024 کے وسط میں فیروز خان نے دوسری شادی کر لی تھی۔
