کراچی: پاکستان نے فلسطین و لبنان کے عوام کیلئے 200ٹن امدادی اشیا بھیجنے کا فیصلہ کیا ہے۔این ڈی ایم اے کے مطابق وفاقی حکومت نے فلسطین و لبنان کی جنگ سے متاثرہ عوام کیلئے 200ٹن امدادی اشیا بھیجنے کا فیصلہ کیا ہے۔امدادی اشیا بھیجنے کیلئے معروف ائیرکارگو کمپنیز سے 2چارٹرڈ پروازوں کیلئے بولی طلب کی گئی ہے۔
این ڈی ایم اے کے مطابق ہر طیارے میں 100ٹن کے لگ بھگ امدادی سامان روانہ کیا جائے گا۔ترجمان کے مطابق بولی میں شریک ہونے کے درخواست فارم این ڈی ایم اے اور پیپرا کی ویب سائٹ سے ڈاون لوڈ کئے جاسکتے ہیں،دلچسپی رکھنے والی ائیرکارگو کمپنیاں لازمی طور پر انکم اور سیلز ٹیکس کے محکموں میں رجسٹرڈ ہونی چاہئیں۔
ترجمان کے مطابق بولی کی دستاویزات، ہدایات ،شرائط و ضوابط کیساتھ 13اکتوبر تک جمع کروائے جاسکتی ہیں، درخواستیں بولی دہندگان کی موجودگی میں اسی روز کھولی جائیں گی۔
