نیو یارک: فلسطینی پناہ گزینوں کیلئے اقوام متحدہ کے ادارے انروا نے غزہ کو بچوں اور بھوکے لوگوں کا قبرستان قرار دے دیا۔
غیر ملکی میڈیا رپورٹ کے مطابق انروا کے سربراہ نے جاری بیان میں کہا ہے کہ فلسطینیوں کے پاس بچنے کا کوئی راستہ نہیں، ایک طرف موت ہے تو دوسری جانب بھوک، ہمارے اصول اور اقدار دفن ہو رہے ہیں۔
انہوں نے کہا کہ مئی سے اب تک تقریبا 800فلسطینی امداد کی تلاش میں مارے جا چکے ہیں، یہ بے عملی مزید انتشار لائے گی۔
ورلڈ فوڈ پروگرام نے خبردار کیا ہے کہ غزہ میں بھوک کا بحران غیر معمولی سطح پر پہنچ چکاہے ،ہر تین میں سے ایک شخص بغیر کچھ کھائے دن گزارتا ہے۔
انہوں نے کہا کہ صورتحال دن بدن مزید بدتر ہوتی جارہی ہے۔
