واشنگٹن (شِنہوا) امریکی صدر ڈونلڈ ٹرمپ نے کہا ہے کہ امریکہ اور ایران کے درمیان مذاکرات جاری رہیں گے تاکہ یہ دیکھا جا سکے کہ کیا کوئی معاہدہ طے پا سکتا ہے یا نہیں۔
امریکہ کے دورے پر آئے اسرائیلی وزیراعظم بنیامین نیتن یاہو سے وائٹ ہاؤس میں بند کمرے کی ملاقات کے فوراً بعد ٹروتھ سوشل پر ایک پوسٹ میں ٹرمپ نے کہا کہ میں نے ابھی اسرائیل کے وزیراعظم نیتن یاہو اور ان کے مختلف نمائندوں سے ملاقات مکمل کی ہے۔
ٹرمپ نے کہا کہ کوئی حتمی فیصلہ نہیں ہوا، سوائے اس کے کہ میں نے اس بات پر زور دیا کہ ایران کے ساتھ مذاکرات جاری رہیں تاکہ یہ دیکھا جا سکے کہ آیا کوئی معاہدہ طے پا سکتا ہے یا نہیں۔ اگر یہ ممکن ہوا تو میں نے وزیراعظم کو آگاہ کیا کہ یہی ہماری ترجیح ہوگی۔ اگر ایسا نہ ہو سکا تو پھر ہمیں دیکھنا ہوگا کہ نتیجہ کیا نکلتا ہے۔
ٹرمپ نے مزید کہا کہ دونوں رہنماؤں نے غزہ اور مجموعی طور پر خطے میں ہونے والی پیش رفت پر بھی تبادلہ خیال کیا۔
