مصر کے شہر قاہرہ میں قائم قدیم دینی تعلیمی ادارے جامعہ الازہر نے پاکستان میں اپنا کیمپس کھولنے کا اعلان کر دیا ہے۔
یہ اعلان پاکستان کے دورے پر آئے ہوئے مصر کے مفتی اعظم ڈاکٹر نذیر محمد عیاد نے وفاقی وزیر تعلیم کی درخواست پر کیا۔
مصر کے مفتی اعظم نے کہا کہ جامعہ الازہر کا پاکستان میں کیمپس دینی تعلیم کیساتھ ساتھ عربی ثقافت کو بھی فروغ دے گا جس سے دونوں ممالک کو ایک دوسرے کے مزید قریب آنے میں مدد ملے گی۔
انہوں نے کہا کہ پاکستان کو اپنے طالب علموں کو الازہر یونیورسٹی بھیجنا چاہئے تاکہ انہیں ایک ہزار سال قدیم ادارے کے تجربات سے سیکھنے کا موقع ملے ، جامعہ الازہر خواتین کی تعلیم کا کٹر حامی ہے ، اس وقت جامعے میں 40 فیصد سے زائد طالبات زیر تعلیم ہیں۔
