پاکستانی اداکار حمزہ علی عباسی نے کہاہے کہ میں خود کو پیدائشی طور پر مسلمان نہیں سمجھتا بلکہ شعوری مسلمان سمجھتا ہوں جو دین کو سمجھ کر اس کی پیروی کرتا ہے۔ اپنے ایک انٹرویو میں انہوں نے کہا میں ایک مسلمان گھرانے میں پیدا ہوا لیکن اب میں زندگی اپنی مرضی سے گزار رہا ہوں،
میں نے تمام مذاہب کا مطالعہ کرنے کے بعد اسلام کا انتخاب کیا۔حمزہ علی عباسی نے یہ بھی بتایا کہ مذہب کو جاننے کے لیے کسی بڑے واقعے کا انتظار نہیں کیا بلکہ میرے ذہن میں آس پاس کی چیزوں سے متعلق سوال پیدا ہوتے تھے، یہ دنیا کیسے کام کرتی ہے؟ آخرت کی حقیقت کیا ہے؟ کیا واقعی آخرت میں کسی کو جوابدہ ہونا پڑے گا؟ انہوں نے کہا کہ میں کوئی مذہبی اسکالر نہیں لیکن دین کی جو باتیں مجھے عقلی و شعوری طور پر سمجھ آتی ہیں ان پر عمل کرنے اور آگے پہنچانے کی کوشش کرتا ہوں۔
