ایف آئی اے بلوچستان نے غیر قانونی کرنسی کاروبار میں ملوث 2 ملزمان گرفتار کر کے لاکھوں روپے مالیت کی ملکی وغیر ملکی کرنسی برآمد کرلی۔
ترجمان کے مطابق ایف آئی اے کے مطابق ملزمان کو چمن کے مختلف علاقوں سے گرفتار کیا گیاجن کے قبضے سے موبائل فونز ،حوالہ ہنڈی سے متعلق شواہد 22ہزار امریکی ڈالر،ساڑھے24ہزار سعودی ریاض، 1 لاکھ 13 ہزار 760افغانی ڈالر اور 4 لاکھ 95 ہزار پاکستانی روپے برآمد ہوئے ہیں۔
ترجمان کے مطابق ملزمان برآمد ہونیوالی کرنسی کے حوالے سے حکام کو مطمئن نہ کر سکے جس پر ان کو گرفتار کر کے مزید تفتیش شروع کردی گئی ہے جبکہ دیگر ساتھیوں کی گرفتاری کیلئے بھی چھاپے جاری ہیں۔
