دکی: بلوچستان کے علاقے دکی میں کوئلے کی کان پر مسلح افراد کے بھاری ہتھیاروں سیحملے میں 20 افراد جاں بحق اور 7 زخمی ہو گئے،لاشوں اورزخمیوں کو ضلعی ہسپتال میں منتقل کر دیا، وزیر اعلی بلوچستان نے دہشت گردوں کے خلاف فوری و موثر کارروائی کا حکم دیدیا۔
ایس ایچ او تھانہ دکی ہمایوں خان کیمطابق ات گئے دکی کے علاقے میں مسلح افراد کے ایک گروپ نے کان پر بھاری ہتھیاروں سے حملہ کیا جسکے نتیجے میں کم ازکم20 افراد جاں بحق اور 7 زخمی ہو گئے۔وزیر اعلی بلوچستان میر سرفراز بگٹی نے دکی میں بے گناہ مزدوروں کے قتل کی شدید مذمت کرتے ہوئے برہمی کا اظہار کرتے ہوئے ہدایت کی کہ مذکورہ علاقے کو سیل کرکے دہشت گردوں کے گرد گھیرا تنگ کیا جائے، دہشت گردوں نے ایک بار پھر غریب مزدوروں کو نشانہ بنا کر ظلم کی انتہا کردی۔
انہوں نے کہا کہ دہشت گردوں کو ان کے منطقی انجام تک پہنچایا جائے گا، ایک ایک بے گناہ کے قتل کا حساب لیں گے، بے گناہوں کا لہو رائیگاں نہیں جائے گا۔ انہوں نے مزید کہا کہ دہشت گردی کے خلاف جنگ میں فتح حق کی ہوگی دہشت گردوں کو منہ کی کھانی پڑیگی۔
وزیر اعلی بلوچستان کا کہنا تھا کہ دہشت گردوں کا ایجنڈا پاکستان کو غیر مستحکم کرنا ہے، عام غریب مزدوروں کو سافٹ ٹارگٹ سمجھ کر نشانہ بنایا جاتا ہے، دہشت گرد بزدل ہیں، دہشت گردوں کو ان بے گناہوں کا ناحق قتل لے ڈوبے گا، دہشت گردوں کا قلع قمع کرکے ان کے وجود سے دھرتی کو پاک کریں گے۔
