لاہور: اداکارہ و میزبان جویریہ سعود نے کہا ہے کہ دنیا کہاں پہنچ گئی لیکن ہماری بزرگ خواتین ابھی تک کالی اور موٹی میں پھنسی ہوئی ہیں، ہماری آپا، پھوپھو، دادی، نانی، چاچی اور مامی ابھی تک موٹی اور کالی میں پھنسی ہوئی ہیں۔
جویریہ سعود نے بغیر نام لیے مشہورِ زمانہ رشتہ کروانے والی خاتون مسز خان کے نظریات پر کڑی تنقید کرتے ہوئے کہا ہے کہ وہ ہوش میں آئیں اور عقلمندی کی باتیں کریں، وہ جہالت کی انتہا نہ کریں۔
واضح رہے کہ وائرل ویڈیو میں مسز خان کہہ رہی ہیں کہ جو لڑکیاں موٹی ہوتی ہیں، وہ شرماتی رہتی ہیں، وہ دوسروں کے سامنے آنے سے بھی ڈرتی ہیں جب کہ کالی رنگت والی لڑکیوں میں بھی اعتماد نہیں ہوتا، وہ سامنے آنے سے کتراتی ہیں۔
