اسلام آباد: بانی پی ٹی آئی عمران خان نے شوکت خانم ہسپتال سے طبی معائنہ کروانے کیلئے اسلام آباد ہائیکورٹ میں درخواست دائر کردی۔
وزیراعلی خیبر پختونخوا علی امین گنڈاپور نے وکیل راجا ظہور الحسن ایڈووکیٹ کے توسط سے دائر درخواست میں محکمہ داخلہ پنجاب، صوبائی حکومت اور آئی جی جیل خانہ جات ،جیل ہسپتال اور شوکت خانم ہسپتال کو فریق بناتے ہوئے موقف اپنایا ہے کہ بانی پی ٹی آئی کی عمر72سال ہے ،جیل میں قید کے دوران ان کا وزن کم ہوگیا ہے، مختلف بیماریوں میں مبتلا ہونے کا خدشے کے باعث معمول کا طبی معائنہ ضروری ہے، بانی کی طبی ہسٹری شوکت خانم ہسپتال کے پاس موجودہے، فوری ریلیف کیلئے 3دن میں عمران خان کا شوکت خانم ہسپتال کے ڈاکٹروں سے معائنے کا حکم دیا جائے۔
درخواست میں استدعا کی گئی ہے کہ ڈاکٹر عاصم یوسف، ڈاکٹر فیصل سلطان اور ڈاکٹر ثمینہ نیازی کوطبی معائنہ اور ٹیسٹوں کیلئے بانی پی ٹی آئی تک رسائی کی اجازت دی جائے۔ درخواست میں استدعا کی گئی ہے کہ فریقین کو میڈیکل رپورٹس کی کاپی عدالت اور بانی پی ٹی آئی کے فیملی اراکین کے ساتھ شیئر کرنے کا حکم دیا جائے۔
