چینی کمپنیوں کی عالمی لاجسٹکس میں قیادت، ماہرین کا اعتراف

ماہرین کا کہنا ہے کہ جدیدیت اور ٹیکنالوجی پر مبنی چینی لاجسٹکس شعبہ عالمی لاجسٹکس میں نمایاں تبدیلی لا رہا ہے۔

بین الاقوامی تجارتی نمائش منعقد کرنے والی کمپنی میسے میونچن جی ایم بی ایچ کے عالمی صنعتی رہنما رابرٹ شوئن برگر نے ’ٹرانسپورٹ لاجسٹک 2025‘ کی نمائش کے دوران میونچن میں کہا کہ چینی کمپنیاں ٹیکنالوجی کو تیزی سے اپناتی اور اس میں تبدیلی لاتی ہیں اور چین میں متعدد ڈیجیٹل اور خودکار لاجسٹکس ایپلیکیشنز تیزی سے فروغ پا رہی ہیں۔

انہوں نے نشاندہی کی کہ چینی لاجسٹکس کمپنیاں یورپی مارکیٹ میں تیزی سے پھیل رہی ہیں جو ان کی عالمی حکمت عملی اور بڑھتی ہوئی مسابقت کی عکاسی کرتا ہے۔

ساوٴنڈ بائٹ (انگریزی): رابرٹ شوئن برگر، میسے میونچن جی ایم بی ایچ

"اس سال چین سے 140 سے زائد نمائش کنندگان شریک ہوئے۔ دلچسپ بات یہ ہے کہ یہ تعداد پچھلی نمائش کے مقابلے میں دو گنا سے بھی زیادہ ہے۔ یہ واقعی ایک بہت بڑا اضافہ ہے۔”

انہوں نے کہا "یہ یقیناً ایک شاندار پیش رفت ہے” اور ’ٹرانسپورٹ لاجسٹک چائنا‘ نمائش کی ترقی پر تبصرہ بھی کیا جو 2004 سے ہر دو سال بعد شنگھائی میں منعقد ہو رہی ہے۔

ساوٴنڈ بائٹ (انگریزی): رابرٹ شوئن برگر، میسے میونچن جی ایم بی ایچ

"میری توقع ہے کہ آئندہ ہم لاجسٹکس کے شعبے میں مزید چینی کمپنیوں کو دنیا کے مختلف حصوں میں کام کرتے دیکھیں گے۔ جیسا کہ آپ جانتے ہیں، ہم ہر دو سال بعد ٹرانسپورٹ لاجسٹک چائنا شو بھی منعقد کرتے ہیں۔ تو اگلے سال ایک بار پھر ہم شنگھائی میں ملاقات کریں گے۔ وہاں چینی شرکت یہاں سے کہیں زیادہ ہوتی ہے اور یہ ظاہر کرتا ہے کہ یہ صنعت کس سمت جا رہی ہے اور چینی لاجسٹکس کمپنیاں کس قدر قابل ہیں۔ یہ بھی ایک بڑی پیش رفت ہے اور چینی لاجسٹکس انڈسٹری کی مضبوطی کا ثبوت ہے۔”

شوئن برگر نے کہا کہ لاجسٹکس صنعت میں کلیدی لفظ "تعاون” ہے۔ چاہے وہ فضائی کارگو اتحاد ہو یا سڑک کے نیٹ ورکس، تعاون پر مبنی ماڈلز پوری طرح قائم ہیں۔

ساوٴنڈ بائٹ (انگریزی): رابرٹ شوئن برگر، میسے میونچن جی ایم بی ایچ

"ہم دیکھ رہے ہیں کہ چین بہت جدت پسند ہے۔ مستقبل میں ہم یہ بھی دیکھیں گے کہ زیادہ سے زیادہ کمپنیاں مل کر دنیا بھر میں خدمات فراہم کریں گی اور یہاں بھی چین کا کردار بہت اہم ہوگا۔ چین میں بھی ہمارے پاس شراکت داروں کا مضبوط نیٹ ورک موجود ہے جو لاجسٹکس انڈسٹری کے فروغ میں ہمارا ساتھ دے رہے ہیں۔”

میسے میونچن جی ایم بی ایچ چار روزہ بین الاقوامی نمائش کی منتظم ہے جو لاجسٹکس، نقل و حرکت، آئی ٹی اور سپلائی چین مینجمنٹ سے متعلق ہے۔ یہ نمائش جرمنی کے جنوبی شہر میونچن میں منعقد ہوئی جہاں 140 سے زائد چینی کمپنیاں اپنی تازہ ترین مصنوعات، خدمات اور حل پیش کر رہی ہیں۔

میونچن، جرمنی سے شِنہوا نیوز ایجنسی کے نمائندوں کی رپورٹ