بیجنگ (شِنہوا) چین کی 14ویں قومی عوامی کانگریس (این پی سی) کی قائمہ کمیٹی کا 21 واں اجلاس 25 اور 26 فروری کو بیجنگ میں منعقد ہوگا۔
یہ فیصلہ این پی سی قائمہ کمیٹی کی کونسل آف چیئر پرسنز کے اجلاس میں کیا گیا جس کی صدارت این پی سی قائمہ کمیٹی کے چیئرمین ژاؤ لے جی نے کی۔
منگل کے اجلاس میں زیر بحث مجوزہ ایجنڈے کے مطابق آئندہ اجلاس میں قانون ساز این پی سی قائمہ کمیٹی کی کارکردگی سے متعلق رپورٹ، 14 ویں این پی سی کے چوتھے اجلاس کے لئے مجوزہ ایجنڈے، پریزیڈیم اور سیکرٹری جنرل کے عہدے کے لئے زیر غور افراد کی مجوزہ فہرست، بغیر ووٹ کے مندوبین کی مجوزہ فہرست اور دیگر رپورٹس کا جائزہ لیں گے۔
مجوزہ ایجنڈے سے ظاہر ہوتا ہے کہ مصدقہ سرکاری اکاؤنٹنٹس سے متعلق قانون میں مجوزہ ترامیم اور فائر و ریسکیو اہلکاروں سے متعلق قانون کا مسودہ پہلی بار اجلاس میں پیش کیا جائے گا۔ اس کے علاوہ قانون ساز سماجی امداد سے متعلق ایک مسودہ قانون پر بھی غور و خوض کریں گے۔
منگل کے اجلاس کے دوران 2025 میں این پی سی اداروں کی جانب سے عوامی شکایات کے ازالے سے متعلق ایک رپورٹ، نیز تمام سطح کی عوامی کانگریسوں کی قائمہ کمیٹیوں کی نگرانی سے متعلق قانون کے نفاذ کے لیے طریقہ کار کو مزید بہتر بنانے کے مجوزہ اقدامات کا بھی جائزہ لیا گیا۔
 کی قائمہ کمیٹی کا 21 واں اجلاس 25 اور 26 فروری کو بیجنگ میں منعقد ہوگا۔){kind=link}