خیبرپختونخوا کے قبائلی ضلع خیبر کی تحصیل جمرود میں ٹریفک کے المناک حادثے میں دولہا سمیت 4 افراد جاں بحق ہوگئے ہیں، حادثہ کار اور ٹرک میں تصادم کے نتیجے میں پیش آیا جس میں ایک شخص زخمی ہوگیا۔
ذرائع کے مطابق دولہا اپنے دوستوں کے ہمراہ سیلون سے واپس آ رہا تھا کہ حادثہ پیش آیا۔
ریسکیو حکام کے مطابق جاں بحق افراد میں منصور ولد عبدالقار، نعمان ولد مجیب، سہیل، ضراب ولد خوشدل شامل ہیں، انکی نعشیں قریبی ہسپتال منتقل کر دی گئیں۔
پولیس نے جائے وقوعہ کو گھیرے میں لیکر شواہد اکٹھے کر لئے ہیں اور حادثے کی وجوہات جاننے کیلئے مزید تحقیقات کا آغاز کر دیا گیا ہے۔
